Lǐ Shàngfú, characteribus Sinicis simplicibus 李尚福 (Chengdu in urbe mense Februario 1958 natus) est dux exercituum Sinensis.
Filius est militaris Li Shaozhu (李绍珠), proavis e provincia Quiansia ortis. Alumnus est universitatis Chongqingensis, ubi ingeniariae studuit gradumque doctoris ascendit; etiam universitatis nationalis Technologiae Munitionis, e qua anno 1982 absolutus est. A mense Septembri 2017 programma cosmonautarum Sinense(en) direxit usque in Octobri 2022; quo mense, solus stratosphaeronautarum, septemvir factus est Commissionis Militaris Centralis(en).[1] A die 12 Martii 2023 minister munitionis nationalis meruit, primo ministro Li Qiang, praeside Xi Jinping; censetur mense Augusto exeunte aere alieno inculpatum esse (una cum antecessore Wei Fenghe), nam mense Septembri a colloquiis antea promulgatis aberat.[2] Die 24 Octobris illius anni ex officio deiectus est.[3]
© MMXXIII Rich X Search. We shall prevail. All rights reserved. Rich X Search